- This topic is empty.
Viewing 1 post (of 1 total)
-
Posts
-
KWAZULU-NATAL. – ‘n Bejaarde vrou (70) is Maandag tydens ‘n huisroof in Valley View-rylaan in Redcliffe, beseer toe sy met ‘n aanvaller terugbaklei het.
Reaction Unit South Africa sê lede het omstreeks 12:46 op die toneel aangekom en die bejaarde met ‘n bloeiende snywond aan haar regterhand teëgekom.
Na bewering het die slagoffer haar veiligheidshek oopgemaak waarna die verdagte haar gekonfronteer, met ‘n mes grond toe gedwing en ‘n selfoon sowel as kontant geëis het.
Die slagoffer het die aanvaller probeer afweer en toe sy hom ontwapen, het hy haar gewurg. Hy kon glo daarin slaag om die mes weer in die hande te kry en het gedreig om haar te steek. Nadat sy gedreig is, het sy haar selfoon oorhandig en die verdagte het te voet gevlug.
Die RUSA 44-helikopter, wat met lugpatrollie oor Verulam besig was, het aan ‘n soektog na die verdagte deelgeneem, maar geen inhegteninsneming kon uitgevoer word nie.
Die slagoffer is vir beserings op die toneel behandel.
Bron: Reaction Unit South Africa
Viewing 1 post (of 1 total)
- You must be logged in to reply to this topic.